Magnesium brenn

Vis grubleteikninga til elevane. PDF: bokmål nynorsk

Les høgt dei ulike utsegnene eller la elevane lese dei sjølve. 

Bruk  tenk-par-del  der kvar enkelt elev først tenker gjennom kven han/ho er mest einig med. La dei så fortelje kvarandre to og to kva dei tenker. Be dei om å grunngi kvifor dei tenker som dei gjer. La til slutt nokre av elevane fortelje heile klassen kva dei snakka om.

Demonstrer forbrenning av magnesium for elevane: NB! Be dei ikkje sjå direkte på flammen som kjem, fordi det kan skade synet. Hold ein liten bit med magnesium med ein pinsett inn i flammen på ein gassbrennar. Alternativt kan du brenne stålull. 

Spør: Kva observerer de? Trur de magnesiumbiten/stålulla blir tyngre eller lettare? Prøv å vege før og etter, eventuelt bruk ei skålvekt der du har to like bitar på kvar si skål og brenn den eine. 

Snakk saman om det som skjer og om nokre gassar eller røyk kan bli borte ved brenning. Spør: Kan vi samle og vege desse? Kan noko bli helt borte når det brenn? Kva skjer når vi brenn ved eller andre karbonhaldige stoff? 

Spør: Kva for råd vil de gi ein gullsmed om kva for metall som er best å bruke til smykke og kva som ikkje eignar seg. Kvifor?