TEKin har vunne pris

Neste runde blir The Global Best Award i konkurranse med Afrika, Australia og Amerika. Den vil finne stad under konferansen til International Partnership Network, IPN, i Durban 25. – 28. september.

TEKin er eit prosjekt der 9 arbeidslivsorganisasjonar og 3 nasjonale sentre for opplæringa samarbeider. Dei nasjonale sentera (Matematikk-, Kunst og kultur- og Naturfagsenteret) har som eige prosjekt utvikla førebels seks tverrfaglege prosjekt til teknologi og design (naturfag.no/tod), som også har vore bidrag til TEKins kursportefølje. Desse og andre kurs innan teknologi og design har TEKin gjeve som gratis todagarskurs i teknologi og design – Verkstaddagar - til lærarar mange stader i landet og over ein periode på tre år. 

I ny inneverande treårsperiode er målgruppa lærarutdanningane - og ideen er å kunne hjelpe til med å utvikle og gjennomføre undervisningsprosjekt ut frå rammene til høgskulen. Høgskolen i Oslo og Akershus (HIOA) har vore fyrst ute, der vi i vår har gjennomførd eit vekeskurs i mekanikk med studentane. Denne modellen for samarbeid er genuin – der organisasjonar og nasjonale sentre for opplæringa samarbeider. Organisasjonane har tona ned særinteressene sine og ser seg tent med å støtte skulen med gode kurs på skulen sine eigne premissar: tverrfaglege kurs som byggjer på Kunnskapsløftet.